Pati Patni Ke Vivad Ka Samadhan | Jhagda Khatam Karne Ke Asardar Upay
Pati Patni Ke Vivad Ka Samadhan har uss dampati ke liye jaruri hota hai. Jinke ghar mein har din ladai jhagde hote hai. Aaj ke is kalyug mein aisa koi couple nhi hai, unme apas mein vivad na hota ho. Kalyug mein hone wale talaq ke piche pati patni ke beech hui galatfahmiya aur gussa hota hai. Saat janam ka rishta pal bhar mein ped se sukhi tahni ki tarah bikhar jata hai.
Duniya mein aisa koi ghar nhi hai, jaha pati patni ke beech jhagda na hota ho. Bade bujurg kahte hai, ki ghar ke ladai jhagde agar ghar mein hi sulajh jate hai, to kabhi bhi pati patni ka rishta nhi tutata. Wahi agar baat apke padosi ko zara si pata chal jaye, to pati patni ka talaq hone mein der nhi lagti hai.
Pati patni ke vivad ka samadhan agar sahi samay par na kiya jaye, to dono mein ek dusre ke parti nafrat aur gussa bhar jata hai. Pati patni ka vivad aksar rishto ko kanch ke saman kamzor kar deta hai. Aaj is blog main pati patni ke vivad ka samadhan pane ke liye shaktishali totke aur jhagda khatam karne ke asardar upay batayege. Inn upay se rishte mein aai daraar ko bhara ja sakta hai.
Pati Patni Mein Vivad Ke 10 Pramukh Karan –
Niche Bataye Huye Kuch Pramukh Karan hai, jinki wajah se aksar pati patni ke beech vivad hota hai.
1. Shak aur Galatfahmi
Shak aur galatfahmi ka ilaj duniya ke kisi bhi ved, hakeem aur doctor ke paas nhi hai. Pati patni mein vivad ka pahla karan shak aur galatfahmi hi hota hai. kisi ajnabi ki baat par bharosha karke apni hi patni par shak kar lena. Padosan ki adhi-adhuri baat sunkar apne hi pati ke bare mein galat sochna pati patni ke vivad ka karan banta hai.
2. Pati Ka koi Kaam Dhandha Nhi Karna
Shadi se pahle ladkiwalo ko ladke ke kaam dhande ke bare mein sab achha bataya jata hai. Ladkiwalo ko aise sapne dikhaye jate hai, ki ladka to lakho mein kamata hai, apki beti ko maharani banakar rakhega. Lekin ladke ki asal haqeeqat to shadi ke baad pata chalti hai. Jab ladka sara din ghar par hi rahta hai. koi job nhi karta hai. Patni khud ghar ka guzara chalane ke liye logo ke paas noukari karti hai. Paiso ke lekar ghar mein din-raat pati patni ke beech kalesh chalta rahta hai.
3. Patni Ka Sara Din Mobile Chalte Rahna
Aaj ke digital dour mein patni ka instagram ya facebook sara din chalte rahna bhi pati patni ke beech ke vivad ka karan ban gya hai. Mobile ki lat se patni na to apne bachho par dhyan rakh pati hai, aur na hi apne pati ki achhi tarah se seva kar pati hai. Pati subah kaam par jata hai, aur poora din kaam karne ke baad jab ghar aata hai, to patni bistar par lete sara din mobile phone chalti rahti hai. Mobile phone ki wajah se bhi aksar pati patni ke beech rishte kharab hote hai.
4. Sasuralwalo Ki Dakhalandazi
Pati patni ke beech bane vivad ki jad aksar sasuralwalo ki dakhalandazi mana gya hai. Jab pati patni ke mamlo mein sasuralwale beech bachav karne lagte hai, to pati pati ka vivad suljhne ki jagah aur bhi ulajh jata hai. Pati patni ki ladai jaghde ke beech teesre vyakti ka bolna aag me ghee ka kaam karta hai. Isliye hamesha Pati patni ke vivad ka samadhan mein faisle bhi unne ko hi lene chahiye.
5. Samman Ke Sath Baat Na Karna
Har mahila ka pati usse umar mein bada hota hai. Isliye jab bhi pati se baat kare, to samman ke sath baat kare. Tut-tadak wali baat ka prayog pati ke samne na kare. Shadi se pahle aap jis prakar apne mata pita se baat karte thye, thik waise hi apne pati se pyar se baat karni chahiye. Kyoki shadi ke baad sab kuch apka pati hi apke liye hota hai.
6. Kisi Ki Baaton Mein Aakar Jhagda Karna
Jab kabhi pati patni ke beech ladai jhagda hota hai, uska pramukh karan koi teesara vyakti hota hai. Duniya mein kuch aise log hai, jo pati patni ko khush rahte huye dekhna nhi chahte hai. Teesara vaykti apke dimag me aisi negtive baat bata jayega. Jisse apke ghar mein jhagda hone lagega. Jab rishta kisi teesre ki baaton se chalne lage, to samjh lena uss rishte ka aant najdik aa chuka hai.
7. Zimmedariyon Ke Bhaar Se Bachna
Aksar pati par hi ghar ki sari zimmedariyon sounp di jati hai. Mano ek ghade par hazaro kilo ka bhoj rakh diya gya ho. Isliye kuch pati aise hote hai, jo shadi ke baad apni zimmedariyo ke bhaar se bachna chahte hai. Har patni ko apne pati ki zimmedariyon mein hissa lena chahiye. Taki pati ki zimmedariya kam ho sake.
8. Ek Dusre Ki Soch Na Milna
Shadi se pahle ladka ladki ke gun aur grah ka milan kiya jata hai. Lekin shadi ke baad jab ek dusre ki soch hi nhi milti hai, to waha ladai jhagade shuru hone lagte hai. Jis tarah ek poudhe ko ped banane me samay lagta hai, thik waise hi rishte ko samjhne me bhi time lagta hai.
9. Pati Nashe Ka Aadi Hona
Pati ka nasha karna pati patni vivad ka bada karan ban jata hai. Nasha sirf andar se sharir ko kamzor nhi karta balki rishte ki deewaro ko bhi jad se hilakar rakh deta hai. Ek aurat sab kuch sahan kar sakti hai. Lekin sharab pine wale aur nasha karne wale admi ko kabhi nhi aapna sakti hai. Patni ka sirf pati hi ek sahara hota hai. Agar pati hi nasha karne lage, to rishta kharab ho hi jata hai.
10. Patni Par Pabandiya Lagna
Kuch pati itne sakht swabhav ke hote hai, ki wo apni patni ko kaidi ki tarah rakhte hai. Unko kabhi ghar se bahar nhi jane jate hai. kisi dost aur rishtedaro se baat nhi karne dete hai. Har samay patni par nazar banaye rakhte hai. Aise mein ek aurat ki azadi khone lagti hai. Jiski wajah se aksar pati patni ke beech vivad dekhne ko milta hai.
Jhagda Khatam Karne Ke Asardar Upay –
Aaj main aapko kuch aise prachin jhagda khatam karne ke asardar upay batane ja rha hu. Jinke karne matra se hi apke jhagde hamesha ke liye khatam ho jayenge. Dilo mein paida hui nafrat mit jayegi. Ghar mein shukh aur shanti ka mahol ban jayega.
1. Chaypati Ka Totka
Jab pati patni ke jhagde had se zyada badhne lage, tab apko is chamatkari Chaypati wale totke ko karna hai. Apko subah pati ke uthne se pahle uth jana hai. Ab rasoi mein jakar sath ginkar chahepati ke dane lene hai. Ab chaypati ke dane ko apni sidhe hath ki muthi mein band karna hai. Ab soye huye pati ke sir ke upar se sath baar ghumna hai. Uske baad Phir se rasoi mein jana hai, aur doodh mein un sath chaypati ko dal kar ek cup chai banani hai. Ab wo chai adhi aapko peeni hai aur adhi apne pati ko pilani hai.
2. Ghar Ke Chaabi Taale Ka Upay
Jab patni baar baar talaq lene ki baat kahne lage, tab yah totka kaam aata hai. Apko itna sa kaam karna hai, ki shanivar ke din ghar ka istemal hua chaabhi taala lena hai. Sabse pahle chaabhi se taale ko khol lena hai. Ab chup chaap soyi hui patni ke dono pairo se chaabhi tale ko tuch karwana hai. Ab us chaabhi tale ko lekar kisi aise ped ke paas chale jana hai. jo bilkul hara bhara ho. Ped ki jad ke paas baithkar apne man mein ek ichha bolni hai. Ab uss tale ko chaabhi lagakar band karna hai.Aur uss taale ko ped ki jado ke paas chodkar chaabhi apne sath lekar ghar aa jana hai. Us chaabhi ko patni ko sambhal kar rakhne ke liye de deni hai.
3. Bazre Ke Aate Ka Diya Wala Totka
Agar har roz subah‑shaam pati patni ke beech ladai jhagde hone lage, to aapko is upay ko karna zaroori hai. Jab shaam ko suraj asmaan mein dhal jaye, tab apko thoda sa bajre ka aata lena hai. Ab us aate ko gundhna hai. Uska ek diya bana lena hai. Ab us diye mein sarson ka tel dalna hai aur rui ki batti banakar diye ko taiyar kar lena hai. Aakhir mein us diye ko ghar ke darwaze ke baahar rakhkar ulte hath se machis jalakar roshan kar dena hai.
4. Pati Ya Patni Ke Kapdo Se Totka
Pati patni ke vivad ka samadhan karne wala yeh totka bahut shaktishali aur asan hai. Iska asar 24 ghante mein dekhne ko milta hai. Agar aurat yeh upay kar rahi hai, to apne pati ki pehni hui ek shirt le. Ab us shirt par upar lal pen se pati ka naam aur uski maa ka naam likhna hai. Itna karne ke baad aapko us shirt ko peepal ki ek tahni se bandh dena hai. Aur peepal dev se apne rishte ko sahi karne ki prarthna karni hai.
5. Lal Kagaj Ka Shaktishali Totka
Agar pati patni ke ladai jhagde rukne ka naam nahi le rahe hai, tab apko is Pati patni ke vivad ka samadhna karne wale totke ko chup‑chap karna hai. Is totke ko pati patni mein se koi bhi ek kar sakta hai. Mangalvar ke din stationery ki dukan se lal kaagaz aur kala pen le aana hai. Ab us kagaz par neeche diye hue mantra ko likhna hai. Mantra likhne ke baad us kagaz ko achchhe se fold karke apne pati ya patni ke bistar ke neeche rakh dena hai. Mantra – कर्मि यक्षिणी पति वशमानय मम
Har Din Jhagdo Ka Asar Rishto Par –
Pati patni ke kabhi‑kabhi ke jhagde jaldi khatam ho jate hai. Wahi agar lagatar jhagde ek badi samasya khadi kar dete hai. Jab baatein dil par lagne lage, tab rishte mein khatas paida ho jati hai.
1. Bachho Par Gahra Asar
Ghar mein har din jhagdo ka asar rishte par bahut gahra padta hai. Roz hone wale ladai jhagde pati patni ke rishte ko dheere‑dheere khokhla kar dete hai. Jhagde ki shuruat chahe pati se ho ya patni se, iska sidha asar mata‑pita aur bachchon par padta hai. Bachchon ke dimag par galat asar padta hai. Iske sath hi bachchon ki padhai par bhi kaafi asar padta hai.
2. Pati patni ke beech ka pyar khatam hona
Pati patni ke beech vaad vivad to sadiyon se chalte aa rahe hai. Nok‑jhok to har pati patni ke beech hoti hai. Saalon se banaya hua pyar ek jhagde se khatam ho jata hai. Ek dusre ke prati banaya hua bharosa khatam ho jata hai. Pati patni ke har din ke jhagde ghar ko nark bana dete hai.
Pati Patni Vivad Ka Samadhan Kyu Jaruri Hai –
1. Shadi Ko Bachane Ke Liye
Duniya ka sabse pavitra rishta pati patni ka hota hai, jahan ek dusre ke pyar ka samman kiya jata hai. Ek dusri bhavnaon ki kadar ki jati hai. Shadi koi bachho ka khel nahi hai, talaq liya aur dusri shadi kar li. Shadi ek aisa bandhan hai jo asani se kabhi tutta nahi hai. Lekin murkhta aur galat acharan ke karan shadi ka rishta tut jata hai. Aise mein pati patni ke vivad ka samadhan karna bahut zaroori hai.
2. Bachho Ka Bhaviya bachane ke liye
Bachhe to bhagwan ka roop hote hai, unhe kya pata maa baap ka vivad unko unse door karwa dega. Kuch maa baap apni ego ke aage apne bachho ko bhi bhool jate hai. Talaq ke baad bachhe ek tarah se anath ho jate hai. Bachho ko maa baap ka poora pyar nahi mil pata hai, aur samaj bhi inko galat nazron se dekhta hai. Bachho ki zindagi nark banne se bachane ke liye pati patni ko apna gussa bhoolkar apne bachho ke bhavishya ke bare mein sochna chahiye.
3. Samaj Aur Mohale Mein Beizzati Ka Dar
Char log kya kahenge, yeh baat to har pati patni ko achchhi tarah maloom hoti hai. Aap bhi mante hai ki har padosi chahta hai ki kabhi kisi ka ghar na base. Apke ghar mein kya kuch hota hai, apke aas paas ke log sab jante hai. Pati patni ke gharelu jhagde aksar gali mahole mein sunai dete hai. Apke ghar ke sabhi raaz apke padosi bhi janne lagte hai. Pati patni ki ladai ki baat to mohale mein aag ki tarah failti hai. Agar aap samaj mein izzat banaye rakhna chahte hai, to pati patni wale vivad se bachna chahiye.
Pati Patni Ke Beech Dobara Pyar Kaise Badhaye –
1. Patni aur bachho ko samay dena
Shadi se pehle admi sirf apne liye hi kamata hai. Lekin jab shadi hoti hai, to uske upar zimmedari ka bojh aa jaata hai. Phir aadmi sirf apne liye nahi, balki apni biwi aur bachchon ke liye din-raat mehnat karta hai. Aaj bhaag‑daud bhari zindagi mein aadmi ke paas itna bhi waqt nahi hota ki woh kuch pal apni biwi aur bachchon ko de sake.
Kuch samajhdar mahila apne pati ke waqt ki kadar karti hai. Lekin pati ko bhi samjhna chahiye ki paisa aur kaam ke alawa bhi uski ek duniya hai. Agar aap kabhi nahi chahte ki pati patni ke beech ka rishta kharab ho, to aap aaj se hi apni patni aur bachho ke liye samay nikalein aur unhe ghumne ke liye hill station ya teerth‑dham lekar jaye.
2. Ek Dusre Ki Baaton Ki Kadar Kare
Agar biwi ya pati aapko koi baat keh raha ya keh rahi hai, to usse dhyaan se sune. Unki kahi hui kisi bhi baat ko ignore na karein. Agar pati awaaz lagata hai, to patni ko sab kaam chhodkar uske paas aana chahiye. Pati ka kaha hua koi bhi kaam khushi-khushi karna har patni ka dharm maana jata hai.
3.Purani Baaton Ko Yaad Na Kare
Kehte hai ki purani baatein gade murde bhi ukhad deti hai. Isliye kabhi bhi galti se purani baaton ko yaad nhi karna chahiye. Agar yaad hi karna hai, to achhe bitaye huye palon ko yaad kare. Agar zindagi mein phir bhi koi gila shikva ho, to usse zindagi se hamesha ke liye nikaal dena chahiye. Hamesha yaad rakhe ki raat gayi to baat gayi. Isse apki shadi-shuda zindagi mein kabhi jhagde nahi honge.
4. Apni Ego Aur Gusse Ko Rishte Mein Na Aane De
Pati patni ke jhagde ka sabse bada shatru sirf gussa hota hai. Gussa aur sharab ka nasha ek jaisa hota hai. Jo utarne ke baad hi insan ko hosh aata hai. Gusse mein liya gaya ek faisla saalo purane rishte ko barbad kar deta hai. Isliye agar apse jane anjane mein koi galti hui hai, to us galti ko swikaar kare. Aapka humsafar zyada se zyada do-chaar din gussa rahega, lekin kuch dino ke baad woh aapki galti ko maaf kar dega.
5. Gusse Wali Baat Ka Jawab Pyar Se Dena
Pati patni ke vivad ko suljhane ka sabse achha upay yeh hai ki har gusse wali baat ka jawab pyar se diya jaye. Kehte hai, kamaan se nikla teer kabhi wapas nahi aata, thik waise hi muh se nikli baat bhi kabhi wapas nahi aati. Isliye pati patni ko aapas ke jhagdon ke dauran hamesha pyar se baat karni chahiye. Agar ho sake to dono mein se ek ko bilkul chup ho jana chahiye, taki baat aage na badh paye. Bas yeh baat yaad rakhna ki gusse wali baat par pyar ka ek shabd hamesha bhari padta hai.
(FAQ) – Pati Patni Vivad Se Jude Sawal AurJawab
Q1. Pati Patni Mein Vivad Kyo Hota Hai?
Ans: Aajkal pati patni mein vivad ka sabse bada karan extra-marital affair hota hai. Pati ya patni ka kisi gair se dil lag jana. Pati patni ke beech koi teesra vyakti aa jane ki wajah se pati patni mein jhagde hone lagte hai.
Q2. Kya Roz Roz Ladai Jhagde Se Talaq Ho Sakta Hai?
Ans: Iska seedha sa jawab hai, han bilkul ho sakta hai. Agar samay rahte jhagde par control nahi kiya gaya, to baat talaq tak pahuch sakti hai. Roz roz ke jhagdon se ek dusre par bharosa khatam hone lagta hai. Dono ke beech dooriyan badh jati hai, aur aakhirkar baat talaq tak aa hi jati hai.
Q3. Kya Pati Patni Ke Jhagde Mein Teesre Vaykti Ki Salah Leni Chahiye?
Ans: Agar aap chahte hai ki dono ke beech pyar ki shuruat phir se ho, to kabhi bhi teesre vyakti ki salah nahi leni chahiye. Pati patni ko apas mein shanti se baat karni chahiye. Jhagde ki shuruat ki galti maan leni chahiye. Aur ek-dusre par yakeen aur bharosa rakhna chahiye.
Q4. Kya Phir Se Pati Patni Ke Rishto Ko Sudhara Ja Sakta Hai?
Ans: Haan, bilkul sudhara ja sakta hai. Agar sachhe dil se koshish ki jaye, to har rishta patthar ki tarah mazboot banaya ja sakta hai. Rishte sudharne ki pahal karna bhi himmat wala kaam hota hai.
Q5. Pati Patni Ki Samsya Ka Samadhan Kya Hai?
Ans: Jab pati patni ka saath rehna bojh lagne lagta hai, tab rishte sambhalna mushkil ho jata hai. Pati patni ki samasya jitni purani hogi, uska samadhan karna utna hi mushkil hoga. Aap prayas karein ki jhagde aur na badhe. Ek dusre ki pareshani ko samjhe. Poore din mein kuch pal bhi agar pati patni sath baithein, to iss samasya se chhutkara paya ja sakta hai.